სააკაშვილი: “მე არავის დახმარებას არ ვეძებ”

0
383
მე არავის დახმარებას არ ვეძებ, – განაცხადა საქართველოს ყოფილმა პრეზიდენტმა, უკრაინის ოპოზიციის ლიდერმა  მიხეილ სააკაშვილმა დღეს CNN-სთვის მიცემულ ინტერვიუში.
 
 ასე უპასუხა მან წამყვანის კითხვას, ეძებს თუ არა ის დახმარებას აშშ-ს პრეზიდენტ დონალდ ტრამპისგან.
 
„მე აქ ჩემს ოჯახთან ჩამოვედი. ისინი აქ ცხოვრობენ, აშშ-ს მოქალაქეები არიან. ეს ბიძაჩემის ოჯახია.
 
უკრაინის მოქალაქეობა მე იმიტომ ჩამომართვეს, რომ კორუმპირებულ ოლიგარქებს აღვუდექი. მე უკრაინის პატრიოტი ვარ. ეს უნიკალური სიტუაციაა, როდესაც ერთი ქვეყნის პრეზიდენტი სხვა ქვეყანაში მიდის. მე ეს იმიტომ გავაკეთე, რომ უკრაინელმა ხალხმა მიმიწვია. პრეზიდენტმა პოროშენკომ მოქალაქეობა მომანიჭა და მე ამას დავეთანხმე, ვინაიდან ვთვლიდი, რომ მას სურდა რეფორმების ჩატარება.
 
რეფორმები საჭირო იყო, რათა უკრაინა უფრო მდგრადი გამხდარიყო რუსეთის წნეხის წინაშე. თუმცა, უკრაინის ხელისუფლებამ სხვა გზა აირჩია: ოლიგარქია, კორუფცია, დემოკრატიის გათელვა. აქედან გამომდინარე, მე ოპონენტი გავხდი.
 
ჩემთვის მოქალაქეობის აბსოლუტურად უკანონოდ ჩამორთმევით, პოროშენკომ თავისი ერთ-ერთი მთავარი ოპონენტი მოიშორა.
 
უკრაინელი ხალხი მოიგებს ამ ომს. ისინი შეაკავებენ რუსეთს, ისინი აიღებენ დასავლურ კურსს, მაგრამ საამისოდ მათ უნდა ჩამოიშორონ საბჭოთა სტილის ოლიგარქები“ – დასძინა მიხეილ სააკაშვილმა.
წინა სტატიაპრეზიდენტი: პირს, რომელიც ორჯერ იყო პრეზიდენტი, უნდა ჰქონოდა საქართველოს მოქალაქეობა
შემდეგი სტატია“საქართველოში ტყუილად არ ჩასულა, ივანიშვილს ტყუილად არ შეხვედრია,” – სააკაშვილი მისთვის მოქალაქეობის ჩამორთმევასა და პოროშენკოზე საუბრობს
ტელეკომპანია ოდიშის საინფორმაციო სამსახური