ერთიან ეროვნულ გამოცდებში კომპეტენციის მინიმალური ზღვარი აბიტურიენტების 15%-მა ვერ გადალახა

0
393
დღეს, 12:00 საათიდან აბიტურიენტებს აქვთ შესაძლებლობა  საკუთარ გვერდზე იხილონ მათ მიერ  ზოგადი უნარების გამოცდებში მიღწეული შედეგები.    სხვა გამოცდების შედეგები  კი ორშაბათიდან ეტაპობრივად იქნება გამოქვეყნებული. 
 
,, ერთიან ეროვნულ გამოცდებში კომპეტენციის მინიმალური ზღვარი აბიტურიენტების 15%-მა ვერ გადალახა'' – ამის შესახებ  შეფასებისა და გამოცდების ეროვნული ცენტრის ხელმძღვანელმა მაია მიმინოშვილმა დღეს ჟურნალისტებს განუცხადა. 
 
მისივე თქმით, კომპეტენციის მინიმალური ზღვარი გასულ წელსაც იგივე რაოდენობის აბიტურიენტებმა ვერ გადალახეს. 
 
ცენტრის ხელმძღვანელის განცხადებით, აბიტურიენტების საგამოცდო პროცესი გუშინ ფიზიკასა და ხელოვნების გამოცდით დასრულდა. დღეს კი გამოცდებს მაგისტრობის მსურველი სტუდენტები ჩააბარებენ და ამით მთლიანად საგამოცდო პროცესი სრულდება. 
 
რაც შეეხება გამოცდების შედეგების აპელაციას, აბიტურიენტს საკუთარი ნაშრომების ხილვის შემდეგ აპელაციისთვის 5 დღის ვადა ექნება. 
 
წელს ერთიან ეროვნულ გამოცდებში მონაწილეობაზე 41 000 აბიტურიენტი დარეგისტრირდა, თუმცა გარკვეულმა ნაწილმა სასკოლო გამოცდები ვეღარ დაძლია. ერთიან ეროვნულ გამოცდაში 29 000 აბიტურიენტი მონაწილეობდა. მათგან 3% გამოცდაზე არ გამოცხადდა. 
ეროვნული გამოცდების საბოლოო შედეგები, მაია მიმინოშვილის განცხადებით, 5 აგვისტომდე გამოქვეყნდება. 
წინა სტატიაNDI – ხვალ რომ თბილისის მერის არჩევნები ტარდებოდეს, გამოკითხულთა 30% კახი კალაძეს მისცემდა ხმას, 19% – ალეკო ელისაშვილს, 18% – ზაალ უდუმაშვილს
შემდეგი სტატიაNDI-ის კვლევის თანახმად, გამოკითხულთა აბსოლუტურ უმრავლესობას – 62%-ს გადაწყვეტილი არ აქვს, ხვალ რომ ადგილობრივი თვითმმართველობის არჩევნები ტარდებოდეს, ვის მისცემდა ხმას
ტელეკომპანია ოდიშის საინფორმაციო სამსახური