მიხეილ სააკაშვილისთვის მოქალაქეობის შეწყვეტის პროცედურის დაწყების თაობაზე განცხადებები გაკეთდა იულია ტიმოშენკოს პარტიის "ბატკივშინას" facebook-ის ოფიციალურ გვერდზე, სადაც ფაქტი დიქტატურის დამყარებისკენ გადადგმულ მორიგ ნაბიჯად არის მოხსენიებული.
უკრაინისი უმაღლესი რადას დეპუტატი ეგორ სობოლევი კი, სოციალურ ქსელში წერს, რომ
"მიხეილ სააკაშვილი კლეპტოკრატიის განადგურების ნიჭით, უკრაინას კიდევ ბევრ სარგებელს მოუტანს. ხოლო ისინი, ვინც გამდიდრების მიზნით ფსონს დაუსრულებელ ტყუილზე და მზაკვრობაზე აკეთებს, ადრე თუ გვიან სადმე პუტინის სიახლოვეს აღმოჩნდებიან."
კიდევ ერთი დეპუტატი – მუსტაფა ნაიემი სააკაშვილისთვის მოქალაქეობის შეწყვეტის პროცედურის დაწყებას ყველაზე სულელურ საქციელს უწოდებს, რაც მისი თქმით, უკრაინის პრეზიდენტს არც ისე კარგად დაახასიათებს. მისი თქმით, საბოლოო ჯამში უკრაინა დაზარალდება.
"ეს ისეთივე სულელური საქციელია, როგორც ვიქტორ იანუკოვიჩის დროს იულია ტიმოშენკოს ციხეში ჩასმა იყო," – ამბობს რადას დეპუტატი.