ამ წუთებში გალში ინციდენტების პრევენციისა და მათზე რეაგირების მექანიზმის მორიგი შეხვედრა მიმდინარეობს.
როგორც შეხვედრის დაწყების წინ ენგურის ხიდზე სუსის ანალიტიკური დეპარტამენტის უფროსის მოადგილემ კახაბერ ქემოკლიძემ ჟურნალისტებს განუცხადა, დღევანდელ შეხვედრაზე ქართული მხარე მთავარ საკითხებად კვლავ გიგა ოთხოზორიას მკვლელობაში მსჯავრდებული რაშიდ კანჯი ოღლის დაკავებისა და საოკუპაციო ხაზთან აპრილში დაკავებული როგავების გათავისუფლების საკითხს დააყენებს.
შერეულ შეხვედრაში მონაწილეობენ საქართველოს ხელისუფლების, აფხაზეთის დე ფაქტო მთავრობის, რუსეთის, ევროკავშირის სამეთვალყურეო მისიისა და გაეროს წარმომადგენლები.