დაბა ჩაქვში მდებარე სოფელ ჩაისუბანში ხილაძეების საცხოვრებელი სახლის კედელი ჩამოინგრა – დაშავდა სამი ადამიანი, რომელიც შემთხვევის დროს სახლში იმყოფებოდა. მათ შორის ერთი მცირეწლოვანია.
ნანგრევებში მოყოლილები მაშველებმა ამოიყვანეს. ყველა მათგანი ბათუმის რეფერალურ საავადმყოფოში მოათავსეს.სასწრაფო სამედიცინო დახმარების ცენტრის უფროსის მინდია კახიძის თქმით მოზარდი მსუბუქად არის დაშავებული, . სხვა პაციენტების ჯანმრთელობის მდგომარეობა უფრო სერიოზულია, მაგრამ სტაბილური – მიღებული დაზიანებების არ არის მათი სიცოცხლისთვის საშიში .
წინასწარი ინფორმაციით, სახლი სიძველის გამო დაინგრა. დაწყებულია გამოძიება, რაც გაუფრთხილებლობით ნივთის დაზიანებას ან განადგურებას გულისხმობს.