კრიშტიანუ რონალდუმ დაადასტურა, რომ კლუბის შეცვლა მის გეგმებში არ შედის. პორტუგალიელს "რეალთან" ერთად ტიტულების მოგების სურვილი ისევ აქვს. ინფორმაციას ამის შსახებ სპორტული გამოცემა Marca ავრცელებს.
"გასულ სეზონში გუნდური და ინდივიდუალური ტიტულების მოგება შესანიშნავი იყო. კარგი იქნება, თუ "რეალში" ტიტულებს ისევ მოვიგებ. ყოველ წელს თავდაუზოგავი შრომაა საჭირო და ამის კეთებას ვაგრძელებ. ფეხბურთი ჩემი ცხოვრება და გატაცებაა" – ციტირებს Marca რონალდუს სიტყვებს.
რონალდუს მადრიდის რეალში დარჩენას ადასტურებს კლუბის მთავარი მწვრთნელი. ლეგენდარულმა ზინედინ ზიდანმა განაცხადა, რომ ის [რონალდუ] ამჟამად ისვენებს და სამეფო კლუბს 12 აგვისტოს, ესპანეთის სუპერთასზე, "კლასიკოში" დაუბრუნდება.
"რონალდომ ექსტრა-არდადეგები დაიმსახურა. ჩვენ მას უბრალოდ დაველოდებით. კრიშტიანო "რეალში" რჩება, ამ ისტორიას წერტილი დაესვა", – განაცხადა ფრანგმა თავკაცმა.
რამდენიმე კვირის წინ გავრცელებული ინფორმაციით, ესპანეთში არსებული საგადასახადო პრობლემების გამო, რონალდუ "რეალის" დატოვებას აპირებდა, მაგრამ უკანასკნელი ცნობებით, პორტუგალიელმა მადრიდში დარჩენა გადაწყვიტა.
"ოქროს ბურთის" მფლობელი, რომელსაც ზიდანმა დამატებითი შვებულება გამოუწერა, 8 აგვისტოს "მანჩესტერ იუნაიტედთან" ევროპის სუპერთასზეც არ ითამაშებს. ის გუნდს 12 აგვისტოს, ესპანეთის სუპერთასზე, "კლასიკოში" დაუბრუნდება.