ქალთა სოლიდარობის მარშს ზუგდიდშიც შეუერთდნენ. ცენტრალური ბულვარის ტერიტორიაზე შეკრებილებმა უთანასწორობა, ძალადობა და ჩაგვრის ფაქტები გააპროტესტეს. აქციის მონაწილეების განცხადებით, ისინი რამდენიმე დღის წინ, თბილისში გამართულ „ქართველთა მარშს“ გამოეხმაურნენ. ზუგდიდის აქციის მონაწილეების თქმით, მარშის მიმდინარეობისას არატოლერანტული და ქსენოფობიური განცხადებები გაჟღერდა, მოგვიანებით კი ეს ყველაფერი კონკრეტულ ქალებზე ჯგუფური ძალადობის მუქარაში გადაიზარდა.
ზუგდიდის ქალთა სოლიდარობის მარშის მონაწილეებს ხელში ეჭირათ ტრანსპარანტები წარწერით „ნუ გაჩუმდები“, „პოლიცია დასაჯე მოძალადე“, „უთხარი არა ძალადობას“. ისინი ხელისუფლებისგან და შესაბამისი უწყებებისგან ადეკვატურ რეაგირებას მოითხოვენ.
ქალთა სოლიდარობის მარშს პოლიტიკოსების შეუერთდნენ. საქართველოს პარლამენტის წევრის და „ევროპული საქართველოს“ ზუგდიდის მერობის კანდიდატის ლელა ქებურიას თქმით, მიუღებელია ქართველობის სახელით მსგავსი სახის ძალადობა. ის მოუწოდებს საზოგადოებას, არ იყვნე ჩუმად ასეთი ფაქტების დროს.
ქალთა სოლიდარობის მარშის მონაწილეებმა აქცია ცენტრალური ბულვარის ტერიტორიაზე მშვიდობიანი მსვლელობით დაასრულეს.