გუშინ, საღამოს 17 საათზე დიდ დიღომში "ნაციონალური მოძრაობის" ოფისში არაფხიზელ მდგომარეობაში მყოფი ორი პირი შეიჭრა და შტაბის თანამშრომლებს სიტყვიერი და ფიზიკური შეურაცხყოფა მიაყენა.
პოლიციის განყოფილებაში დღეს თითქმის ორ საათს გაგრძელდა "ნაციონალური მოძრაობის" მეოთხე საარჩევნო ოლქის მაჟორიტარობის კანდიდატის დავით ლაგვილავას გამოკითხვა, დაიკითხნენ სავარაუდო თავდამსხმელები, რის შემდეგაც ისინი პოლიციიდან
გაათავისუფლეს. არც ერთმა მათგანმა ჟურნალისტებთან მომხდარის შესახებ არ ისაუბრა. გამოძიება ცემის ფაქტზე მიმდინარეობს.
"ნაციონალურ მოძრაობაში" მომხდარს "ქართული ოცნებას" უკავშირებენ.
„ძალადობის ქრონიკაა ჩვეულებრივი, იმიტომ, რომ ეს ახალი არ არის. გუშინ ახალციხეში სასტიკად სცემეს ჩვენი აქტივისტი 83 წლის ბატონი, ასევე მისი შვილიშვილი, გლდანში სუს-ი შევარდა ჩხრეკაზე და დღეს ასევე დიდ დიღომში შემოვარდნენ და დაიწყეს გინება. ეს არის დავალება კალაძის, რომელმაც ასე დაიწყო წინასაარჩევნო კამპანია,“- განაცხადა ხატია დეკანოიძემ