ტრაპიზონთან მომხდარი ავარიის მონაწილე ავტობუსის მძღოლი რომან ლომიძე, რომელიც თურქეთში, გორელეს საავადმყოფოში იმყოფება, დღეს დაიკითხება და ამის შემდეგ ავტოავრიის საქმეს კვალიფილაცია მიენიჭება.
უკვე დაიკითხა ავტობუსში მყოფი ყველა პირი, მათ შორის ისინიც, ვინც დღემდე თურქეთის სამ საავადმყოფოში რჩება სამკურნალოდ.
რაც შეეხება რომან ლომიძის ჯანმრთელობის მდგომარეობას, იგი ექიმების მიერ სტაბილურად ფასდება. შესაბამისად, მისი საქართველოში დაბრუნების საკითხიც დღეს გადაწყდება.
მძღოლის ახლობლების განცხადებით, ავტობუსი ტექნიკურად გამართული იყო და ავტოსაგზაო შემთხვევის მიზეზი გახდა ის, რომ ავტობუსს მანქანამ გადაუჭრა გზა..
ავტობუსი, რომელსაც "ერისიონთან" არსებული ცეკვის ანსამბლი "ლამპრები" ბულგარეთში გადაჰყავდა, 16 ივლისს, გამთენიისას გზაზე ამოტრიალდა. ავტობუსში 38 ადამიანი, მათ შორის 26 ბავშვი იყო.
ავარიის დროს დაშავებულთა ნაწილი საქართველოში გუშინ და გუშინ წინ დაბრუნდა.