რუსული ოკუპაცია და უკრაინა-საქართველოს საერთო პრობლემები იყო ერთ-ერთი მთავარი თემა გიორგი მარგველაშვილისა და პეტრო პოროშენკოს პირისპირ შეხვედრისას.
ინფორმაცია იმის სესახებ, ისუბრესთუ არა პრეზიდენტებმა ქართველი ყოფილი მაღალჩინოსნების საკითხზე, სახელდობრ პრეზიდენტ სააკაშვილის ექსტრადიციის საკიტხზე, არ ვრცელდება, ცნობილია მხოლოდ ის, რომ , როგორც პრეზიდენტის ადმინისტრაციის უფროსმა გიორგი აბაშიშვილმა ჟურნალისტებს შეხვედის დაწყებამდე განუცხადა, ამ საკითხის დაყენება დღის წესრიგში არ იგეგმებოდა.
ორი ქვეყნის პრეზიდენტები ამ წუთებში ერთმანეთს უკვე გაფართოებულ ფორმატში ხვდებიან.
„ჩვენ ვართ ერები, რომელთაც გვაქვს მჭიდრო ურთიერთობა. თქვენი ვიზიტი ამ ძლიერ ურთიერთობებს კიდევ უფრო ამყარებს. მადლობა სტუმრობისთვის და ყველა იმ მნიშვნელოვანი გადაწყვეტილებისთვის, რომლებსაც თქვენი ვიზიტის ფარგლებში მივიღებთ,“ – განაცხადა გიორგი მარგველაშვილმა.
უკრაინის პრეზიდენტის თქმით, ორივე ქვეყანას საერთო გამოწვევა აქვს რუსეთის აგრესიის კუთხით.
„საქართველოს მიწაზე თავს ისე ვგრძნობ, როგორც სახლში – მეგობრული ატმოსფეროა. ჩვენი ერები იღვწიან თავისუფლებისა და დემოკრატიისთვის. ვიბრძვით ამ თავისუფლებისთვის, რადგან ჩვენი ერები რუსული აგრესიის მსხვერპლნი არიან,“ – განაცხადა პეტრო პოროშენკომ.