პრეზიდენტის რეზიდენციაში უკრაინის პირველი პირის, პეტრო პოროშენკოს დახვედრის ოფიციალური ცერემონია გაიმართა.
ავლაბრის რეზიდენციის ეზოში შესრულდა უკრაინის და საქართველოს სახელმწიფო ჰიმნები.
პეტრო პოროშენკოს და მის მეუღლეს საქართველოს პრეზიდენტი გიორგი მარგველაშვილი პირველ ლედისთან, ადმინისტრაციის წარმომადგენლებთან, მთავრობის წევრებთან და დიპლომატიური კორპუსის წარმომადგენლებთან ერთად დახვდა.
პოროშენკო და მარგველაშვილი პირისპირი შეხვედრის შემდეგ ერთობლივ განცხადებებს გააკეთებენ.
პრეზიდენტის ადმინისტრაციის მერ გავრცელებული ცნობით, ხვალ პეტრო პოროშენკო საქართველოს პრეზიდენტთან ერთად სოფელ ხურვალეთში საოკუპაციო ხაზს ეწვევა.
სახელმწიფო ვიზიტის ფარგლებში, იგეგმება პეტრო პოროშენკოს შეხვედრები პრემიერმინისტრთან და საქართველოს პარლამენტის თავმჯდომარესთან.
უკრაინის პრეზიდენტი, სახელმწიფო დელეგაციის შემადგენლობაში მყოფ უკრაინელ ბიზნესმენებთან ერთად, საქართველო – უკრაინის ბიზნესფორუმის მუშაობაში მიიღებს მონაწილეობას.
სახელმწიფო ვიზიტის ფარგლებში, პეტრო პოროშენკო სვანეთსა და აჭარას ესტუმრება.