საქართველოს ყოფილი პრეზიდენტი მიხეილ სააკაშვილი „ფეისბუქის“ პირად გვერდზე საქართველოში უკრაინის პრეზიდენტის პეტრო პოროშენკოს ვიზიტს ეხმაურება.
„მიხარია, რომ პრეზიდენტი პოროშენკო, როგორც იქნა, ოფიციალური ვიზიტით საქართველოში გაემგზავრა. ურთიერთობები უნდა განვითარდეს როგორებიც არ უნდა იყვნენ დღევანდელი ლიდერები. არ ვიცი, იცის თუ არა პეტრო პოროშენკომ, მაგრამ საქართველოს ხელისუფლებამ ჩემს წინააღმდეგ საქმე აღძრა უცხოელი სტუმრების მიღებასთან დაკავშირებით ფულის გაფლანგვაზე და ბრალდებებს შორის ასევე ფიგურირებს: „ვიქტორ იუშენკოს აბანოს მომსახურება 28 ევროს ოდენობით“.
ასე, რომ იმედი მაქვს, პრეზიდენტმა პოროშენკომ კიევიდან თან პირსახოცი და საპონი წაიღო, შემდგომში გართულებებს თავი რომ აარიდოს“, – დაწერა მიხეილ სააკაშვილმა.
საქართველოში ოფიციალური ვიზიტით უკრაინის პრეზიდენტი პეტრო პოროშენკო იმყოფება.