ანაკლიაში, GEM fest-ზე, ქალზე ძალადობა მოხდა – ინფორმაციას ამის შესახებ ,,ოლმედია'' ავრცელებს.- უცხო ქვეყნის მოქალაქემ ფესტივალის მოხალისე-მონაწილე გოგონა ზღვის ნაპირზე გაიყვანა და, თვითმხილველთა თქმით, გაუპატიურება დაუპირა, რა დროსაც გოგონამ მას თავდაცვის მიზნით ქვა ჩაარტყა.  

"ოლმედიის" ინფორმაციით, ამ ინციდენტის შემდეგ შემთხვევის ადგილზე სხვა მოხალისე-მამაკაცები შეიკრიბნენ და უცხო ქვეყნის მოქალაქე სასტიკად სცემეს. 

 

"ლაივპრესი" ავრცელებს შსს-ს პრესსამსახურის კომენტარსაც, სადაც ამბობენ, რომ მომხდართან დაკავშირებით სისხლის სამართლის საქმე სისხლის სამართლის კოდექსის 150-ე მუხლით, რომელიც ქორწინების (მათ შორის არარეგისტრირებულის) იძულებას გულისხმობს.

„ჩატარდა ექსპერტიზა, თუმცა მისი შედეგები ჯერ არ არის ცნობილი. ამიტომ მომხდარი არ არის შეფასებული, როგორც გაუპატიურების მცდელობა“, – განაცხადეს სამინისტროში.

 

ელექტრონული მუსიკალური ფესტივალი GEM fest 14 ივლისს გაიხსნა.

ფესტივალი ანაკლია-განმუხურში 2015 წლიდან იმართება. შარშან ღონისძიებას 35 ათასამდე ვიზიტორი ჰყავდა. ფესტივალი „Check in Georgia-ს“ ფარგლებში იმართება.