გორის რაიონში რუსეთის საოკუპაციო ძალების მიერ, ,,საზღვრის“ აღმნიშვნელი ბანერების აღმართვას ისტორიკოსი და იუმორისტი, უფრო თავისი ტელეპერსონჟის – ციყვის სახელით ცნობილი დათო გოგიშვილი გამოეხმაურა.
როგორც გოგიშვილი სოციალურ ქსელში წერს, თუ რუსებმა რამდენიმე დღეში არ განაახლეს მავთულხლართების გაბმა, მაშინ ბანერები „ნაციონალების“ დამონტაჟებულია.
„თუ უახლოეს 3-4 დღეში რუსებმა არ განაახლეს მავთულხლართების გაბმა და საოკუპაციო ბანერების თავიდან დამონტაჟება, გამოვთქვამ გონივრულ ეჭვს, რომ ეს საოკუპაციო ბანერები „ნაციონალების“ დამონტაჟებულია ხელისუფლების დისკრედიტაციისა და გამარგინალების მიზნით, თუ არადა საჯაროდ მოვიხდი ბოდიშს. სხვა შემთხვევაში რუსები ყველა ზომას მიიღებდნენ, რომ საოკუპაციო ბანერების დემონტაჟი არ დაეშვათ.
P.S. ხაზგასმით აღვნიშნავ, რომ ყოველივე ზემოთთქმული ჩემი პირადი ვარაუდი და ვერსიაა და მას აბსოლუტურ ჭეშმარიტებაზე პრეტენზია არ გააჩნია“- წერს დათო გოგიშვილი.
აბა ციყვი იმ ხელს ხომ არ უკბენს, რომელიც ორიოდ კაკალ თხილს აწვდის