ზუგდიდში იძულებით გადაადგილებულ პირთა-დევნილთა და კონფლიქტით დაზარალებული მოსახლეობის უფლებრივი მდგომარეობის შესახებ სახალხო დამცველის სპეციალური ანგარიშის პრეზენტაცია სახალხო დამცველის ოფისის წარმომადგენელებმა გამართეს.
ანგარიშში საუბარია იძულებით გადაადგილებულ პირთა უფლებრივ მდგომარეობაზე. გამყოფი ხაზის სოფლებსა და ოკუპირებულ ტერიტორიებზე არსებულ სოციალურ მდგომარეობასა და უსაფრთხოების საკითხებზე.ასევე ხაზგასმულია არასრულწლოვანთა უფლებრივი მდგომარეობა, გარდა ამისა ანგარიშში გათავლისწინებულია ის რეკომენდაციები, რომელიც უნდა გაითავლისწინონ დევნილების ბინათუზრუნველყოფის პროცესებში, მათი თქმით პრიორიტეტული უნდა იყოს ის ოჯახები, რომლებიც ცხოვრობენ ნგრევად შენობებში და მათ სოციალური მდგომარეობა მძიმეა. შეხვედრას ესწრებოდნენ ადგილობრივი ხელისუფლების, არასამთავრობო ორგანიზაციებისა და ევროკავშირის სადამკვირვებლო მისიის წარმომადგენლები. არასამთავრობო ორგანიზაცია ,,საუნჯეს" ზუგდიდის ოფისი ხელმძღვანელის, იაგო ფასანძის განცხადებით, სახალხო დამცველის ანგარიშში არ არის საუბარი იმ ძირითად პრობლემებზე, რომლებიც არასრულწლოვნების უფლებრივ მდგომარეობას ეხება. სახალხო დამცველის ანგარიშში აღნიშნულია, რომ დევნილთა უფლებრივი მდგომარეობა , ზოგადი ანალიზის შედეგად წლების განმავლობაში უცვლელია. პრეზენტაცია სახალხო დამცველის ზუგდიდის ოფისში ჩატარდა.