,,ოლმედიას'' ცნობით, ქართველმა მეცო-სოპრანომ ანიტა რაჭველიშვილმა პარიზში ვალერი გერგიევის დირიჟორობით გამართულ კონცერტში მიიღო მონაწილეობა და სხვა მომღერლებთან ერთად ბასტილიის აღების დღის აღსანიშნავად "მარსელიოზა" შეასრულა.
ვიდეოში, რომელიც ინტერნეტში გავრცელდა, ჩანს ასევე, როგორ უგზავნის სიმღერის დამთავრების შემდეგ ჰაეროვან კოცნას რაჭველიშვილი გერგიევს.
შეგახსენებთ, ვალერი გერგიევმა 2008 წლის 20 აგვისტოს ცხინვალში კონცერტი გამართა და სიტყვითაც გამოვიდა, სადაც ქართული არმიის აგრესია დაგმო.
გერგიევი ვლადიმირ პუტინთან დაახლოებულ ხელოვანადაა მიჩნეული, სწორედ ამ მიზეზით ცნობილმა ქართველმა პიანისტმა ხატია ბუნიათიშვილმა უარი თქვა მასთან ერთად კონცერტში მონაწილეობაზე:
"ის პუტინის მეგობარია, მასთან ერთად არ დავუკრავ", – განაცხადა ხატია ბუნიათიშვილმა.