ქალის ცხედარი იპოვეს ფოთში, პალიასტომის ტბისა და მდინარე კაპარჭას შესართავთან.
ცხედარი ნაპირთან ახლოს ნიჩბოსნობის სკოლის სპორტსმენებმა შენიშნეს და მაშინვე სამაშველო სამსახურსა და პოლიციას დაუკავშირდნენ.
რა გახდა 50 წლამდე ქალის გარდაცვალების მიზეზი, ექსპერტიზა დააგენს.
ცხედარი უკვე გადაასვენეს ქუთაისის ექსპერტიზის ბიუროში. უცნობია გარდაცვლილის ვინაობაც.
შინაგან საქმეთა სამინისტროს ინფორმაციით – მომხდარ ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.