რუსეთთან პირდაპირი დიალოგი არ არის მიზანშეწონილი, რადგან კრემლის მხრიდან არ იდგმება კონკრეტული ნაბიჯები, რომელიც საქართველოს დეოკუპაციისკენ იქნება მიმართული. დიალოგი მხოლოდ საერთაშორისო ფორმატით უნდა გაგრძელდეს- ასე გამოეხმაურა თავდაცვის მინისტრი ლევან იზორია რუსეთის საგარეო საქმეთა მინისტრის, სერგეი ლავროვის განცხადებას საქართველო-რუსეთს შორის დიალოგის სხვა ფორმატსა და მაღალ დონეზე წარმოებასთან დაკავშირებით.
მისი თქმით, "რუსეთი აგრძელებს ქმედებებს, რომელიც ეწინააღმდეგება საერთაშორისო სამართლის ნორმებს, ეწინააღმდეგება ჩვენი ქვეყნის სუვერენიტეტს. არ ვთვლით მიზანშეწონილად პირდაპირ დიალოგს რუსეთთან იმიტომ, რომ ჩვენ ვერ ვხედავთ კონკრეტულ ქმედებებს, რომელიც მიმართულია ჩვენი ქვეყნის დეოკუპაციისკენ.
"აქედან გამომდინარე, ის საერთაშორისო ფორმატები, რომელიც არსებობს, ვფიქრობთ, რომ სწორედ ფორმატების ფარგლებში უნდა მოხდეს დიალოგის გაგრძელება," – განაცხადა ლევან იზორიამ.
ლევან იზორიამ ეს საოკუპაციო ხაზთან მიმდინარე უკანონო ქმედებებზე და ასევე ოკუპირებულ ტერიტორიებზე შექმნილ ვითარებასთან დაკავშირებით საუბრისას განაცხადა.