თბილისში, ჭავჭავაძის გამზირზე სტომატოლოგიური კლინიკა სავარაუდოდ გაქურდეს. როგორც შინაგან საქმეთა სამინისტროში აცხადებენ, 112-ში შევიდა შეტყობინება, რომ ერთ-ერთი სტომატოლოგიური კლინიკის ხელმძღვანელი თანხას ვერ პოულობდა.
კლინიკაში შესაძლო ქურდობის ფაქტის დასადგენად გვიან ღამემდე მუშაობდნენ ექსპერტ-კრიმინალისტები.
ამ დრომდე უცნობია დეტალები, თუ რა მოხდა ვაკეში – ერთერტთი ვერსიით ამ ქურდობას ქსენოფობიასთან აქვს კავშირი, რამდენადაც სტომატოლოგიურ კლინიკაში ქართველებთან ერთად ირანელი ექიმებიც მუშაობენ.
კლინიკის წარმომადგენლებმა კომენტარზე უარი განაცხადეს.
შინაგან საქმეთა სამინისტროს ცნობით გამოძიება „სისხლის სამართლის კოდექსის“ 177-ე მუხლით მიმდინარეობს, რაც ქურდობას ითვალისწინებს.