"აიპრესი" ავრცელებს ინფორმაციას , რომ ხობის მუნიციპალიტეტში, სახოკიას ქუჩაზე გზის დათმობის მანიშნებელი საგზაო ნიშანი საკმაოდ უცნაურად დგას. მისი მთავარი ნაწილი კერძო სახლის ეზოს მხარესკენაა მიტრიალებული.
აღნიშნულ ეზოში მცხოვრები ასკარ კვაშილავა "აიპრესთან" აცხადებს, რომ მას წარმოდგენაც არ აქვს როდის გაჩნდა იქ აღნიშნული ნიშანი, რადგან როცა სახლში მივიდა საღამოს დახვდა.
ასკარ კვლაშილავა: "საღამოს სახლში მოვედი. საერთოდ არ ვიცი ეს რა "ზნაკია". მართვის მოწმობა არ მაქვს. ჯერ მეგონა ვიღაც მეღადავებოდა მაგრამ არა. ხვალ ალბათ ღვედგადაკრული გამოსვლას მომთხოვენ სახლიდან".
"აიპრესი" საგზაო დეპარტამენტის საზოგადოებასთან ურთიერთობის სამსახურსაც დაუკავშირდა, რომელმაც გაგვიცხადა, რომ ხვალ გაარკვევენ თუ რასთან გვაქვს საქმე.- წერს სააგენტო.