"ლეიბორისტული პარტიის" ლიდერი წყაროზე დაყრდნობით სკანდალურ ინფორმაციას ავრცელებს.
შალვა ნათელაშვილის განცხადებით, მძიმეა ბიძინა ივანიშვილის ჯანმრთელების მდგომარეობა და ძალაუფლების გადანაწილებისთვის მასთან პუტინის წარმომადგენლები აწარმოებენ მოლაპარაკებებს. "მშრომელთა პარტიის" ლიდერის განცხადებით, ამ მიზანს ემსახურებოდა პუტინის მრჩეველის, მიხეილ შვიდკოის საქართველოში ვიზიტიც.
„ჩვენი ინფორმაციით, ქვეყნის დე ფაქტო მმართველი დიქტატორი ივანიშვილი ინსულტირებული, პარალიზებული და სრულიად ქმედუუნაროა. სადაც ივანიშვილი მკურნალობს, ჩაბრძანდა "გაზპრომის" მმართველი მილერი, პუტინის სახელით და შეეცადა გაეგებინებინა მისი გარემოცვისა თუ მისთვის, რომ გადააბაროს ძალაუფლება სხვა ოლიგარქს, არანაკლებ ქურდსა და ყაჩაღს. ამ შემთხვევაში საუბარია კალაძეზე. პროცესს დაემთხვა პუტინის მრჩეველთა მასობრივი შემოსვლა საქართველოში,“ – განაცხადა შალვა ნათელაშვილმა.