დღეს სტამბოლის ორ უნივერსიტეტში, ბოღაზიჩისა და მედენიეთის უნივერსიტეტებში ჩატარდა სპуცოპერაცია, რომლის შედეგად ფეთჰულა გიულენის ორგანიზაციასთან კავშირების ბრალდებით დაკავებულია 72 ადამიანი, დაკავებულთა შორისაა ტურქეთში ცნობილი პიროვნება აკადემიკოსი ქორაია ჩალიშქანი, რომელიც ბოღაზიჩის უნივერსიტეტში კითხულობს ლექციებს.
სპეცოპერაციის სხვა დეტალები ჯერ არ გავრცელებულა.
უნივერსიტეტებში სპეცრაზმელების შეჭრა არის ერდოღანის პასუხი თურქეთის ოპოზიციის მიერ გუშინ სტამბოლში ორგანიზებულ მრავალათასიან მიტინგზე, რომლითაც დასრულდა 25 დღის მანძილზე ე მიმდინარე სამართლიანობის მარში.
მარშის მონაწილეებმა 450 კილომეტრი გაიარეს ფეხით ანკარადან სტამბოლამდე – ისინი აპროტესტებდნენ სასამართლო განაჩენს, რომელიც სახალხო რესპუბლიკური პარტიის დეპუტატს ენის ბერბეროღლუს გამოუტანეს .
თურქეთის პრეზიდენტმა ეს მარში ტერორისტების მხარდასაჭერ ღონისძიებად გამოაცხადა.