აკად. ფრიდონ თოდუას კლინიკაში (კლინიკური მედიცინის სამეცნიერო-კვლევით ინსტიტუტში) რამდენიმე საათის წინ გაჩენილი ხანძარი ლოკალიზებულია და ამ დროისათვის სალიკვიდაციო სამუშაოები მიმდინარეობს.
საგანგებო სიტუაციების მართვის სააგენტოს ინფორმაციით, ხანძარი კლინიკის სათავსოში დაიწყო, ცეცხლი სავარაუდოდ ელექტროსადენებს გაუჩნდა.
ადგილზე მობილიზებული იყო 2 სახანძრო და ერთი სამაშველო ბრიგადა.
შემთხვევის შედეგად არავინ დაშავებულა.