ძლიერი წვიმების შედეგად მდინარე აბაშა ადიდდა, რამაც ერთი ადამიანის სიცოცხლე იმსხვერპლა.
სოფელ საელიაოს მცხოვრებ 65 წლის მამაკაცს მდინარის ერთი ნაპირიდან მეორეზე მსხვილფეხა რქოსანი პირუტყვი გადაჰყავდა, როცა მდინარე მოულოდნელად ადიდდა და მამაკაცი წყალმა წაიღო. ცხედარი რამდენიმე სოფლის მოშორებით იპოვეს.
ძლიერმა წვიმებმა პრობლემები შექმნა სამეგრელოს სხვა რაიონებშიც. განსაკუთრებით რთული ვითარებაა ხობის მუნიციპალიტეტის სოფლებში – ჭალადიდში, პირველ მაისში, ხეთასა და ხამისკურში წყალი შევარდა სახლების პირველი სართულებში, ადიდებულმა ღელეებმა წალეკეს სავარგულები, დაიტბორა საავტომობილო გზები, რის გამოც რამდენიმე მონკვეთზე და სასოფლო გზებზე გადაადგილება რამდენიმე სათით შეფერხდა. შესაბამისი სამსახურების მუშაობის შედეგად ამ დროისათვის მოძრაობა აღდგენილია.