ლონდონში დენონსტრანტებსა და პოლიციელებს შორის შეტაკებები მოხდა. დემონსტრანტებმა პოლიციელებს, რომელთაც მათი დაშლა სცადეს, მაშხალები, ქვები და აგურები დაუშინეს. ინციდენტის დროს 6 სამართალდამცველი დაშავდა, მათგან ოთხი საავადმყოფოშია გადაყვანილი.
Mirror News- ის ცნობით, აქციის მონაწილეებმა ცეცხლი წაუკიდეს პოლიციის განყოფილებას და ავტობუსის გაჩერებას, ქვები დაუშინეს შეტაკებისას ხიდზე ჩაყენებულ ავტობუსსაც, რომელსაც სახურავი ჩაუჭეჭყეს და გადააძვრეს.
მომიტინგეები ლონდონის პოლიციას რასობრივ დისკრიმინაციაში ადანაშაულებენ და აპროტესტებენ სტრეტფორდის რაიონში რამდენიმე კვირის წინ მომხდარ ინციდენტს. მათი მტკიცებით, პოლიციის ამგვარ დამოკიდებულებას შეეწირა 25 წლის შავკანიანი ლონდონელი ახალგაზრდა ედირო ფრედერიკო და კოსტა, რომელიც შემოწმების მიზნით გააჩერეს და სასტიკად სცემეს. ნაცემი ახალგაზრდა კომატოზურ მდგომარეობაში მყოფი მიიყვანეს საავადმყოფოში, სადაც 6 დღის შემდეგ გარდაიცვალა.
თაიმსის ცნობით, დაკავებულია 4 მომიტინგე, მათ ბრალად ედებათ ცეცხლის წაკიდება, საზოგადიოებრივი წესრიგის დარღვევა დაქალაქის მეურნეობისათვის ზარალის მიყენება. შეტაკების ადგილზე გაიგზავნა ოთხი ვერტმფრენი და გადაიკეტა მიმდებარე ქუჩები.