19 ივნისს, დაახლოებით 21.20 საათზე, სოხუმის ცენტრში, კალმიკოვის ქუჩაზე, რესტორანთან ,,აფხაზური ეზო'' აფეთქება მოხდა. ასაფეთქებელი მოწყობილობა საცხოვრებელი სახლის ეზოში ამოქმედდა, არის ვარაუდი, რომ იგი დამონტაჟებული იყო ამ ეზოში მცხოვრები მოქალაქის რუსლან არგუნის ავტომანქანაზე, თუმცა არ გამორიცხავენ, რომ მანქანა თავად აფეთქდა ტექნიკური გაუმართაობის გამო. დაშავებულია ავტომაქანის მფლობელი, რომელიც ქალაქის რესპუბლიკურ საავადმყოფოშია გადაყვანილი,სადაც სასწრაფო ოპერაცია გაუკეთდა. აფეთქებამ დააზიანა მიმდებარე სახლები, ჩამსხვრეულია მინები
შემთხვევის ადგილზე მთელი ღამის განმავლობში მიმდინარეობდ საგამოძიებო-ოპერატიული სამუშაოები. საქმეს სოხუმის დეფაქტო პროკურატურა იძიებს.
ადგილობრივი დეფაქტო პოლიციის ცნობით, აფეთქების მოწყობაში ეჭვმიტანილი ორი პირის ვინაობა დადგენილია. მათ ეძებენ.
ამ დროისთვის უცნობია, რა სახის ასაფეთქებელი მოწყობილობა ამოქმედდა და იყო თუ არა მომხდარი გამიზნული თავდასხმა.
ადგილობრივი დეფაქტო პოლიციის ცნობით, აფეთქების მოწყობაში ეჭვმიტანილი ორი პირის ვინაობა დადგენილია. მათ ეძებენ.
ამ დროისთვის უცნობია, რა სახის ასაფეთქებელი მოწყობილობა ამოქმედდა და იყო თუ არა მომხდარი გამიზნული თავდასხმა.