პარლამენტის თავმჯდომარე ირაკლი კობახიძე და იურიდიული კომიტეტის თავმჯდომარე ეკა ბესელია სრულიად საქართველოს კათოლიკოს-პატრიარქს შეხვდნენ და საკონსტიტუციო მონარქიის საკითხზე ისაუბრეს, -ამის შესახებ ინფორმაციას მამა კახაბერ გოგოტიშვილი ადასტურებს. მისი განცხადებით, შეხვედრა საპატრიარქოში გაიმართა, რომელზეც პატრიარქის ინიციატივის გარდა, საკონსტიტუციო ცვლილებების შესახებ ისაუბრეს.
შეგახსნებეთ, რომ კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებისას ბრძანა, რომ მონარქიას პოლიტიკურ ცხოვრებაში სიმშვიდე შეაქვს.