,,ქაფშიის ქარავნების გაქრობა აფხაზეთის ნაპირებთან დაკავშირებულია თევზჭერის უკონტროლობასთან და გადაჭარბებულ რეწვასთან – ასე განმარტავს ქაფშიის წლევანდელი, არნახული დეფიციტის მიზეზებს აფხაზეთის მეცნიერებათა აკადემიის ეკოლოგიის ინსტიტუტის დირექტორი რომან დბარი.
ქაფშიის რეწვას შავ ზღავში ბევრი ქვეყანა ეწევა, მაგრამ ამას ყველაზე დიდი მასშტაბით თურქეთის ფლოტი აკეთებს. ბოლო ათი წლის მანძილზე ქაფშიის რეწვა ისე გაიზარდა , რომ საბოლოო ჯამში საფრთხის ქვეშ დააყენა ამ თევზის გამრავლება, ამოწურულია ყველა რსურსი.
ჩვენ არაერთგზის გამოვხატავდით შეშფოთებას ამასთან დაკავშირებით და ვცდილობდით ხმა მიგვეწვდინა შავი ზღვის რეგიონის ქვეყნებისათვის, მაგრამ მათ ყურად არ იღეს ჩვენი გაფრთხილება და წინადადება შევთანხმებულიყავით ქაფშიის რეწვის კვოტების შემოღების შესახებ.
თევზჭერა ძირითადად მიმდინარეობს თურქეთის, საქართველოს, აფხაზეთის ( სტილი დაცულია – ,, ოდიში ნიუსი’’), ყირიმის ნაპირებთან, აგრთვე ტუაფსესა და ანაპასთან – აცხადებს დბარი – ხომ ძნელი წარმოსადგენია, რომ ამ პროცესის მონაწილე ყველა ქვეყნის დელეგაცია ერთად მიუჯდეს მოლაპარაკების მაგიდას და მიაღწიოს შეთანხმებას მიგრირებადი თევზის რაციონალური გამოყენებისა და დაცვის საკითხში. სწორედ ამგვარმა არააკოორდინირებულმა რეწვამ მიგვიყვანა ამ სავალალო შედეგამდე.
არადა, სხვა გამოსავალს ვერ ვხედავ – დასძენს დბარი.