კალიფორნიის ქალაქ ოკლენდში NBA-ის ახალმა ჩემპიონმა "გოლდენ სტეიტმა" საჩემპიონო აღლუმი მოაწყო, რომელსაც ორი მილიონი ადამიანი დაესწრო.ბოლო სამ წელიწადში მეორედ, ოკლენდის მოსახლეობის დიდი ნაწილი გამოვიდა ქუჩებში ჩემპიონობის აღსანიშნავად. შეგახსენებთ, რომ რამდენიმე დღის წინ დასრულდა NBA-ის ფინალური სერია, რომელშიც "გოლდენ სტეიტმა" 4:1 დაამარცხა "კლივლენდი" და თავისი არსებობის ისტორიაში მეხუთედ გახდა ჩემპიონი.ამ ტრიუმფში თავისი წვლილი შეიტანა ქართველმა ცენტრმა ზაზა ფაჩულიამ, რომელიც პირველი ქართველი კალათბურთელია, რომელმაც NBA-ის საჩემპიონო ბეჭედი მოიგო."გოლდენ სტეიტმა" მთელს პლეი ოფში მხოლოდ ერთი მატჩი წააგო – "კლივლენდთან" სერიის მეოთხე შეხვედრა სტუმრად და პლეი ოფი ასეთი შედეგით დაასრულა: 16 მოგება და ერთი მარცხი, რაც NBA-ის ახალი რეკორდია.აღლუმზე გამოვიდნენ ქალაქ ოკლენდის მერი ლიბი შაფი და ადგილობრივი მუსიკალური ლეგენდა MC Hammer.