გორის ცენტრში, სტალინის ქუჩის #3-ში მდებარე საცხოვრებელ კორპუსში გუშინ ქალაქ გორის მუნიციპალიტეტის მერის მოადგილის, გოგა რაზმაძის ოჯახში ნიღბიანები პირები შეიჭრნენ., მეზობლების თქმით, ისინი ქალის სამოსში იყვნენ გადაცმულები.
არსებული ინფორმაციით, ინციდენტის დროს თავად მერის მოადგილე სახლში არ იმყოფებოდა, თუმცა სახლში ოჯახის წევრები იმყოფებოდნენ, მათ შორის მცირეწლოვანი ბავშვები და მათი ძიძა, განსხვავებული ვერსიით კი – რაზმაძის დედა
ბოროტმოქმედებმა ქალს თავში ჩაარტყეს და ფული მოსთხოვეს. ამ ინცინდენტის შემდეგ იგი საავადმყოფოში მოხვდა. ამ დროისთვის მისი მდგომარეობა სტაბილურია.
ოჯახი მომხდარზე არ საუბრობს, უცნობია მოახერხეს თუ არა ოჯახიდან რამის წაღება.
შინაგან საქმეთა სამინისტროში გორში ყაჩაღობის ფაქტს ადასტურებენ. უწყების პრესსამსახურის ცნობით, მომხდართან დაკავშირებით გამოძიება სსკ-ის 179-ე მუხლის მეორე და მესამე ნაწილით მიმდინარეობს, რაც ყაჩაღობას გულისხმობს., ამ ეტაპზე დამნაშავის დასადგენად და დასაკავებლად ინტენსიური საგამოძიებო მოქმედებები მიმდინარეობს.