ნიკა გვარამია სოციალურ ქსელში ეხმაურება ინფორმაციას თბილისის მერის პოსტზე კახი კალაზის კანდიდატურის შესაძლო წარდგენის შესახებ.
,,ამასობაში, კახი კალაძის ფიგურამ საინტერესო კონტურების შეძენა დაიწყო:
1. ძალიან ბევრი ფული მოიხვეჭა განვლილი 5 წლის მანძილზე,
2. საკუთარი მრავალრიცხოვანი საპარლამენტო დაჯგუფება შექმნა,
3. თბილისის მერობა დაიჟინა (დიახ, დაიჟინა), და მისი კანდიდატურის მიუღებლობის გადაძლევას საკუთარი საპარლამენტო დაჯგუფების ულტიმატუმნარევი ქმედებებით ცდილობს,
4. ერთერთ მცირე ტვში შედის მსხვილი ინვესტიციით, ანუ საკუთარ მედიაპლატფორმას იქმნის.
დასკვნა: ან ბიძინა ივანიშვილი მის ამ თამაშებს ნაჯახის დარტყმით აღკვეთავს, ან სიტუაციას ხელიდან გაუშვებს და ქვეყნის ყველაზე მაღალი ვოტუმის არჩევით ფიგურას მიიღებს საკუთარი ფულით, პოლიტიკური დასაყრდენით და მედიით.
ვნახოთ, დასუსტდა და წასასვლელად ემზადება ივანიშვილი, თუ სიტუაციას კვლავ აკონტროლებს. '' – წერს ნიკა გვარამია