ოპოზიცია შს მინისტრის და სუს-ის ხელმძღვანელის გადადგომას ითხოვს

შინაგან საქმეთა მინისტრისა და სუს-ის ხელმძღვანელის გადადგომას ითხოვს აზერბაიჯანელი ჟურნალისტის გაუჩინარებასთან დაკავშირებით ოპოზიცია. ისინი ხელისუფლებისგან არსებულ კითხვებზე კონკრეტულ პასუხებს ითხოვენ.„დღეს არცერთი მოქალაქე არ არის დაცული იმისგან, რომ გაუჩინარდეს ჩვენს ქუჩებში და აღმოჩნდეს სრულიად სხვაგან. ასე რომ, საფრთხე მიადგა არა მხოლოდ უსაფრთხოებას და ადამიანის ბედს, არამედ ქვეყნის ბედს და პასუხისმგებლობა მთლიანად მთავრობამ უნდა აიღოს,“ – ამბობს ენმ-ის წევრი ხატია დეკანოიძე.ძალოვანი უწყებების ჩამოშლაზე საუბრობენ ევროპულ საქართველოში.„აქ მნიშვნელოვანია ის, რომ სახელმწიფო უსაფრთხოების სამსახურის სრული ჩამოშლა, ასევე შს სამინისტროს სრული ჩამოშლა არის სახეზე,“ – აცხადებს თენგიზ გუნავა.საპარლამენტო უმრავლესობაში კი აქცენტს გამოძიების დროულად დასრულების მნიშვნელობაზე აკეთებენ, რათა საზოგადოებაში მომხდარ ფაქტთან დაკავშირებით კითხვის ნიშნები არ დარჩეს. ქართულ ოცნებაში თანხმდებიან, რომ საქმის ობიექტური გამოძიება სახელმწიფოს ღირსების საკითხია.„წინასწარ დასკვნების გამოტანა, სანამ ბოლომდე დადგენილი არ არის რა მოხდა, არის ნაჩქარევი, შეიძლება იყოს სიმართლე ან არ იყოს სიმართლე და ჩვენ არასწორი დასკვნებისაკენ წავიდეთ. აქედან გამომდინარე, გამოძიების ვალდებულებაა, დაადგინოს რა მოხდა სინამდვილეში, იმ შემთხვევაში თუ მოხდა ცუდი რამე, მაშინ გარკვეული პასუხისმგებლობის საკითხი უნდა დადგეს, იმ შემთხვევაში თუ ასე არ იყო და ჩვენ ვისმენთ საპირისპირო განცხადებებსაც, რომ ის ქალაქის ცენტრიდან არ გამქრალა სინამდვილეში, ამ შემთხვევაში გამოდის, რომ ყველა განცხადება არის პროვოკაცია,“ – განაცხადა მამუკა მდინარაძემ.

ოპოზიცია შს მინისტრის და სუს-ის ხელმძღვანელის გადადგომას ითხოვს

სიახლეები

იქს, იგრეკ, ზეტებია მთელ საქმეში, როგორ ამოვიცნო ჩემი თავი ცვლადებში? – ნიკა გვარამია

ეკა კუპატაძე პროკურატურას მადლობას უხდის

გიგა ავალიანის მკვლელობაში ბრალდებულებს ბრალი დაუმძიმდათ

სიღარიბის გასანულებლად დაგვჭირდება რამდენიმე წელიწადი – კობახიძე