ჟურნალისტური ეთიკის ქარტია აზერბაიჯანელი ჟურნალისტის მხარდასაჭერ აქციას სუს-ის შენობასთან გამართავს

ჟურნალისტური ეთიკის ქარტია აზერბაიჯანელი ჟურნალისტის მხარდასაჭერ აქციას 1 ივნისს სახელმწიფო უსაფრთხოების სამსახურთან გამართავს. ორგანიზაციაში მიიჩნევენ, რომ სუს-ის უფროსის, ვახტანგ გომელაურის, განცხადება, თითქოს, აფგან მუხთარლი მწვანე საზღვრის გადაკვეთას ცდილობდა, არადამაჯერებელია.„ჩვენ, ხვალ 11 საათზე, შევიკრიბებით და სახელმწიფო უსაფრთხოების სამსახურისგან მოვითხოვთ კონკრეტულ განმარტებებს. სწორედ ეს უწყებაა პასუხისმგებელი საქართველოში მცხოვრები მოქალაქეების უსაფრთხოებაზე. დაუყონებლივ უნდა გაეცეს პასუხები კითხვებს – როგორ აღმოჩნდა აზერბაიჯანის ტერიტორიაზე საქართველოში მყოფი ჟურნალისტი პასპორტის გარეშე და თუ მართლაც იგეგმებოდა ამ ადამიანის გატაცება აზერბაიჯანის სპეცსამსახურების მიერ, რატომ არ ფლობდა ამის შესახებ ინფორმაციას სუს-ი“, – განაცხადა ჟურნალისტური ეთიკის ქარტიის საბჭოს წევრმა მაია მეცხვარიშვილმა. მისივე განმარტებით, თუკი უახლოეს მომავალში საქართველოს მთავრობა საკითხთან დაკავშირებით ამომწურავ განმარტებებს არ გააკეთებს, შესაძლოა, პერმანენტული საპროტესტო აქციები დაიწყონ.

ჟურნალისტური ეთიკის ქარტია აზერბაიჯანელი ჟურნალისტის მხარდასაჭერ აქციას სუს-ის შენობასთან გამართავს

სიახლეები

აშშ და ირანი 60 დღეში სამშვიდობო შეთანხმების მისაღწევად “საგზაო რუკაზე” შეთანხმდნენ

Nestle-მ სანქცირებულ „იმედში“ რეკლამის განთავსების გამო შიდა გამოძიება დაიწყო

მედია – რუსეთში დაარტყეს ქარხანას, რომელიც „ისკანდერისა“ და „კალიბრის“ კომპონენტებს აწარმოებს