„ადრეული სკოლამდელი აღზრდისა და განათლების შესახებ“ კანონპროექტი ოქტომბრიდან ამოქმედდება. როგორც ინიციატივის ავტორები ამბობენ, კანონის ამოქმედების გადადება დადგენილი სტანდარტის დაზუსტებამ გამოიწვია.სტანდარტში შესული ცვლილების მიხედვით, იმისთვის, რომ ბაგა-ბაღმა ფუნქციონირების უფლება მოიპოვოს, ხუთი სტანდარტი უნდა დააკმაყოფილოს. მას უნდა ჰქონდეს შემუშავებული საგანმანათლებლო პროგრამა, უნდა ჰყავდეს აღმზრდელ-პედაგოგები. ასევე, უნდა აკმაყოფილებდეს წყლის, სანიტარიის და ჰიგიენის, ინფრასტრუქტურის და კვების დადგენილ სტანდარტებს.ინიციატივის მიხედვით, ყველა საბავშო ბაღი საერთო სტანდარტის ქვეშ მოექცევა და ბავშვები სკოლამდელ განათლებას კარგ პირობებში მიიღებენ. რეფორმა ევროპული ქვეყნების გამოცდილების საფუძველზე განხორციელდება. პარლამენტმა კანონპროექტი გასულ წელს დაამტკიცა.