ბათუმში ახალი მეჩეთი მუსლიმებმა შენობის გარეშე გახსნეს

0
354
ბათუმის ახალი მეჩეთი შენობის გარეშე – ასე წარადგინეს დღეს, 26 მაისს, გენერალ ა. აბაშიძის 49/3-ში ის ტერიტორია, სადაც მუსლიმები პარასკევობით ლოცვას აპირებენ.„დღეს და შემდგომ დღეებში პარასკევის ლოცვა და მარხვის თვის (რამადანის) განმავლობაში თარავის ლოცვა აღნიშნულ ტერიტორიაზე გაიმართება და ოფიციალურად გამოცხადდება ამ ტერიტორიაზე მეჩეთის მშენებლობის დაწყება. … ბათუმში ახალი მეჩეთის მშენებლობა ხელს შეუწყობს ჩვენი ქვეყნის დემოკრატიულ განვითარებას, რელიგიის თავისუფლებასა და თანასწორუფლებიანობის დაცვას, რაც არანაკლებ მნიშვნელოვანია ჩვენი ქვეყნის მომავლისთვის“, – განაცხადა დღეს ტარიელ ნაკაიძემ, არასამთავრობო ორგანიზაცია „ქართველ მუსლიმთა კავშირის“ თავმჯდომარემ.ბათუმში ახალი მეჩეთის მშენებლობის ფონდმა ბათუმის მერიას 8 თებერვალს მიმართა, მერიამ უარის პასუხი ფონდს 5 მაისს წერილობით გაუგზავნა. ბათუმში, გენერალ ა. აბაშიძის 49/3-ში, მეჩეთის მშენებლობის ნებართვის გაცემაზე მერიამ უარი იმ მოტივით დაასაბუთა, რომ ეს ტერიტორია მაღალი ინტენსივობის საცხოვრებელი ზონაა, სადაც განაშენიანების დომინირებულ სახეობას საცხოვრებელი სახლები წარმოადგენს, საკულტო ნაგებობა კი საზოგადოებრივი თავშეყრის ადგილია.
ინფორმაციას „ბათუმელები“ ავრცელებს.
 
წინა სტატიაესტონეთიდან რუსეთის გენერალური კონსული და კონსული გააძევეს
შემდეგი სტატიასამთავრობო ცვლილებების შესახებ ინფორმაციას ვიცე-პრემიერი ალექსანდრე ჯეჯელავა არ ადასტურებს
ტელეკომპანია ოდიშის საინფორმაციო სამსახური