,,აფხაზთა კრება'' ოკუპირებულ გალში 19 მაისს მომხდარ ტრაგედიასთან დაკავშირებით განცხადებას აკეთებს:
,,ოკუპირებულ აფხაზეთში დღითიდღე უფრო და უფრო მძიმდება ვითარება, ქართველებს აფხაზეთში ავიწროვებენ, უშლიან მშობლიურ ენაზე საუბარს, განათლებას, მათ არ გააჩნიათ ე.წ პასპორტები და შესაბამისად ისინი უსაფრთხოდ ვერ გადაადგილდებიან. ადამიანებს ღამის საათებში სახიფათო გზის გადაჭრა უხდებათ, ისინი „ქურდებივით“ იპარებიან საკუთარ სახლებში. ვითარება მას შემდეგ გართულდა რაც ე.წ საზღვარს რუსი ჯარისკაცები აკონტროლებენ.
პარასკევ საღამოს გალის რაიონის სოფელ ოტობაიის მკვიდრი 65 წლის ოთარ ფაცურია ზუგდიდიდან, სახლში „მიიპარებოდა“. საბუთის უქონლობის გამო, შემოვლითი გზებით გადაადგილებისას, სავარაუდოდ, ფეხი დაუცდა და ორმოში ჩავარდა, ასეთი ორმოები საზღვარზე ძალაინ ბევრია. მამაკაცი ყელამდე ტალახში ჩაიმარხა, თავს ვერ უშველა იქვე გარდაიცვალა. 2 -დღიანი ძებნის შემდეგ ის ე.წ მესაზღვრეებმა იპოვნეს და ოჯახს შეატყობინეს.
როგორც მისი ახლობლები ამბობენ ოთარ ფაცურია ზუგდიდში პენსიის გასაკეთებლად იყო წასული.
ოთარ ფაცურია აფხაზეთში ცნობილი მოცეკვავე გახლდათ. სამწუხაროა, ასევე ის ფაქტი, რომ გარდაცვლილს შვილები და შვილიშვილები ვერ დაიტირებენ სწორედ რომ ე.წ პასპორტის უქონლობის გამო.''- ნათქვამია ,,აფხაზთა კრების'' განცხადებაში