მზიურის ტერიტორიაზე, ბომბის არსებობის შესახებ შეტყობინებით, გამნაღმველების ჯგუფი მივიდა. ისინი იქ ამ წუთებშიც განაგრძობენ მუშაობას.
დღეს მზიურის თავისუფალ სივრცეში ლგბტ თემის წარმომადგენლები ფილმ "პრაიდის" ჩვენებას გეგმავდნენ. ამ ფაქტის გასაპროტესტებლად ჩვენების ადგილზე მივიდნენ სამღვდელო პირები და მრევლი. ადგილზე მცირე დაპირისპირებაც მოხდა აქციის მონაწილესა და ფილმის საყურებლად მისულ სტუმარს შორის.
"მზიურის" ტერიტორიაზე არსებული კინოთეატრიდან ხალხის ევაკუაცია განხორციელდა. როგორც ადგილზე მყოფმა პოლიციელებმა განაცხადეს, 112-ში შევიდა შეტყობინება შენობაში ბომბის არსებობის შესახებ, რის გამოც ევაკუაცია გამოცხადდა.
ამას წინ უძღოდა საპროტესტო აქცია, რომელსაც „მზიურთან“ სასულიერო პირები და მრევლი მართავდა. ისინი ფილმის ”პრაიდი” ჩვენებას აპროტესტებდნენ. როგორც სასულიერო პირები აცხადებენ, ფილმი მამათმავლობის პროპაგანდაზეა და მათთვის გარყვნილების ქადაგება მიუღებლია. ”დაუშვებელია ბავშვთა ცენტრის ტერიტორიაზე ასეთი ფილმის ჩვენება”, – აცხადებდნენ „მზიურთან“ შეკრებილი სასულიერო პირები.
ევაკუაცის გამო ფილმის ჩვენება შეწყდა.