თბილისში "ერთიანი ნაციონალური მოძრაობის" წევრი გიორგი რუხაია დააკავეს. დაკავება პოლიციის გაძლიერებული რაზმის მიერ ორთაჭალაში მოხდა, სწრაფი კვების ერთ-ერთი ობიექტიდან, სადაც ის მეგობრებთან ერთად იმყოფებოდა. დაკავების ამსახველ ვიდეო მასალას ,,თავისუფალი ზონა'' ავრცელებს.
შსს ინფორმაციით, გიორგი რუხაია თავდაპირველად ადმინისტრაციული კოდექსით, ქალაქის იერსახის დამახინჯების ფაქტზე იყო გამოვლენილი, შემდეგ კი, პოლიციისთვის წინააღმდეგობის გაწევის მუხლით დააკავეს. იგი წინასწარი დაკავების იზოლატორშია გადაყვანილი. საქალაქო სასამართლო აღნიშნულ საქმეზე დღეს იმსჯელებს.
აქტივისტის დაკავებას უსამართლოდ მიიჩნევენ ნაციონალურ მოძრაობაში – გიორგი რუხაია სამართალდამცველებმა პლაკატების გაკვრისთვის დააკავეს. პლაკატებზე გამოსახულია ბიძინა ივანიშვილი და კახი კალაძე და წერია ,,შენ შრომობ – ესენი ჭამენ!''
,,ისტერიკაში მყოფი ივანიშვილი შეცდომას შეცდომაზე უშვებს. ვეღარაფერი უშველით. ათობით ათას ასეთ პლაკატს და მოქალაქეს იხილავენ ძალიან მალე თბილის ქუჩებში და შუშის კოლბასთან.'' – აცხადებს ნაციონალური მოძრაობის წევრი ნუგზარ წიკლაური.