პარლამენტს წარედგინა პროექტი, რომლის მიხედვით, წვევამდელის მიერ სამხედრო სამსახურისათვის თავის არიდება, მათ შორის ავადმყოფობის სიმულაციის, სხეულის თვითდაზიანებით, ყალბი დოკუმენტის გამოყენებით ან სხვაგვარად მოტყუებით, დაისჯება ჯარიმით ან თავისუფლების აღკვეთით სამ წლამდე.
პროექტის ავტორი და ინიციატორია თავდაცვისა და უშიროების კომიტეტის თავმდჯომარე ირაკლი სესიაშვილი. მისი განცხადებით, სისხლის სამართლის კოდექსში გამორჩენილია და არ არის დაკონკრეტებული, თუ რას ნიშნავს სამხედრო სამსახურისთვის თავის არიდება, ამიტომ აუცილებელია დაზუსტდეს, თუ რა შეიძლება ჩაითვალოს წვევამდელის მიერ სამხედრო სამსახურისათვის თავის არიდებად, რაც სისხლის სამართლის პასუხისმგებლობას გამოიწვევს.
”თუკი გამწვევი კომისია ჩათვლის, რომ შეიძლება ადგილი ჰქონდეს თავის არიდებას მოტყუებით, თვითდაზიანებით, სხვაგვარი სიმულაციის გზით, მას შეეძლება საქმე პროკურატურას გადასცეს”, – განუცხადა ”ინტერპრესნიუსს” ირაკლი სესიაშვილმა.
ახალი საკანონმდებლო ინიციატივა შესაძლოა უკავშირდებოდეს ”გირჩის” მიერ რელიგიური ორგანიზაციის დარეგისტრირებას , რომლის შექმნის მიზანს ხელისუფლება ხსნის არა სარწმუნოებრივი სეხედულებებისადმი პატივისცემით, არამედ როგორც ახალგაზრდების დახმარებას სამხედრო სავალდებულო სამსახურში გაწვევისგან თავის არიდებაში .