NDI-ს გამოკითხულთა მხოლოდ 17% მიიჩნევს, რომ ”ნაციონალური მოძრაობის” გაყოფა ქართულ ოპოზიცის გააძლიერებს. კითხვაზე: ”თქვენი აზრით, ”ერთიანი ნაციონალური მოძრაობის” ყოფილი ლიდერების მიერ ახალი პარტიის დაფუძნება საქართველოში ოპოზიციას გააძლიერებს, დაასუსტებს, თუ არაფერი შეიცვლება?”, პასუხები ასე გადანაწილდა: გააძლიერებს 17%, არაფერი შეიცვლება – 47%, დაასუსტებს – 17%, არ ვიცი -19%. NDI-ის კვლევის საველე სამუშაოები 7-28 აპრილს, საქართველოს მასშტაბით (ოკუპირებული ტერიტორიების გამოკლებით) 2 493 პირისპირ ინტერვიუს წარმომადგელობითი შერჩევის საფუძველზე ჩატარდა. კვლევის საშუალო ცდომილების ზღვარი ±2,7%-ია. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას CRRC-საქართველო ატარებს.