საკონსტიტუციო ცვლილებების პროექტთან დაკავშირებით ზუგდიდში, მ/ა სასახლეში, სადაც საჯარო განხილვა მიმდინარეობს პლაკატით ხელში 5 წლის წინ ანაკლიაში გაუჩინარებული გოგიტა აბულაძის დედა იმყოფება.ცისანა აბულაძემ დარბაზში შესვლამდე ეკა ბესელიასთან დალაპარაკება მოახერხა და საყვედური უთხრა იმასთან დაკავშირებით, რომ მისი შვილის შესახებ რეალური ინფორმაცია ამ დრომდე არა აქვს. „ჩემისთანა გაჭირვებულ დედებს თქვენ არ აქცევთ ყურადღებას. მე არც თქვენგან მიმიღია პასუხი“- განაცხადა აბულაძემ. ხოლო უმრავლესობის წევრმა მას პირობა მისცა რომ ამ საკითხით დაინტერესდება და შესაბამის სამსახურებში გაარკვევს საქმის ვითარებას.ცისანა აბულაძეს ხელში უჭირავს პლაკატი წარწერით: „„დაკარგული გოგიტა აბულაძის მოხუც მშობლებს ხუთი წელია დღევანდელი უღირსი მთავრობა გვატყუებს“. ის შეხვედრის დასრულებას შენობის გარეთ ელოდება, მან ჟურნალისტებს განუცხადა, რომ მანამ არ დატოვებს ტერიტორიას, სანამ პასუხს არ მიიღებს.გოგიტა აბულაძე სახლიდან 2012 წლის 18 იანვარს გავიდა და მას შემდეგ არ გამოჩენილა, მოგვიანებით დედამ სახლში გოგიტას წერილი იპოვა, სადაც ის წერდა, რომ „გადავედი აფხაზეთში ჟენიას შესახვედრად. ამის შესახებ იცის მალხაზ პაჭკორიამ".“გოგიტა აბულაძის დედის განცხადებით, მალხაზ პაჭკორია ყოფილი ხელისუფლების დროს კონტრდაზვერვის რეგიონალური სამსახურის მაღალჩინოსანი იყო.
„დაკარგული გოგიტა აბულაძის მოხუც მშობლებს ხუთი წელია დღევანდელი უღირსი მთავრობა გვატყუებს“- მ/ა სასახლესთან 5 წლის წინ გაუჩინარებული გოგიტა აბულაძის დედა პლაკატით ხელში იმყოფება
Published on