ნარაზენში, ქობალიების სახლს დანგრევა ემუქრება, ოჯახი დახმარებას ითხოვს

ზუგდიდის მუნიციპალიტეტის სოფელ ნარაზენში მცხოვრები როინ ქობალიას საცხოვრებელი სახლის კედლებზე და იატაკზე პირველი ბზარი 2006 წელს გაჩნდა. მას შემდეგ თითქმის ყოველდღიურად სახლი რღვევას განაგრძობს. ოჯახის უფროსის განმარტებით, ამის მიზეზი მეწყერია, რომელიც არამხოლოდ მათ, არამედ მეზობლად მცხოვრებ ოჯახებსაც საფრთხეს უქმნის.ქობალიების ოჯახი 5 წევრისგან შედგება, რომელთაგან ერთს ჯანმრთელობის მძიმე მდგომარეობა აქვს. მძიმედ ავადმყოფობს ასევე ოჯახის უფროსი წევრიც. როინი ქობალია ამბობს, რომ სახლს რამდენიმე წლის წინ ექსპერტიზაც ჩაუტარდა, რომლის დასკვნის მიხედვით საცხოვრებელი შენობა-ნაგებობა ავარიულ მდგომარეობაშია, არ ექვემდებარება მაგაგრებას. ექსპერტიზის დასკვნით, სახლი საჭიროებს დაშლას. ოჯახი ახლა იმ უწყებებისგან დახმარების მოლოდინშია, რომლებსაც აღნიშნული საკითხი უშუალოდ ეხება.როგორ და რამდენად დაეხმარება ადგილობრივი ხელისუფლება ქობალიების მრავალსულიან ოჯახს, ეს უცნობია. ჩვენი მცდელობის მიუხედავად ზუგდიდის მუნიციპალიტეტის გამგებლის მოადგილეს ვერ დავუკავშირდით. უწყების პრესსამსახურის ხელმძღვანელმა გვითხრა, რომ მამუკა წოწერია ადგილზე არ იმყოფება.

ნარაზენში, ქობალიების სახლს დანგრევა ემუქრება, ოჯახი დახმარებას ითხოვს

სიახლეები

ელენე ხოშტარიას 5000 ლარიანი საპატიმრო გირაო შეეფარდა

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა

ცეცხლსასროლი იარაღის უკანონო შენახვა-ტარების ბრალდებით დაკავებულია ზურაბ ზვიადაური

საგამოძიებომ 75 137 ბოთლი კუსტარულად დამზადებული სასმელი ამოიღო – დააკავეს 7 პირი