რუსეთის საგარეო საქმეთა მინისტრი სერგეი ლავროვი 18-19 აპრილს აფხაზეთს ოფიციალური ვიზიტით ეწვევა – ამის შესახებ ინფორმაციას რუსეთის საგარეო უწყების წარმომადგენელი მარია ზახაროვა ავრცელებს. 18 აპრილს ლავროვი აფხაზეთში რუსეთის საელჩოს ახალი კომპლექსის გახსნაში მიიღებს მონაწილეობას, 19 აპრილს კი დე-ფაქტო პრეზიდენტ რაულ ხაჯიმბას შეხვდება, სადაც ისინი აფხაზეთის საერთაშორისო პოზიციის გამტკიცებაზე ისაუბრებენ.