თურქეთში ავტოავარიისას დაშავებულები რიზეს საავადმყოფოში რჩებიან. ორ მათგანს ოპერაცია ჩაუტარდა, სამი კი კვლავ რეანიმაციაშია მოთავსებული, აქედან ორის მდგომარეობა კრიტიკულია.არაა გამორიცხული კვირის ბოლომდე დაშავებულები საქართველოში გადმოიყვანონ. მკურნალობის ხარჯებს ადგილზე თურქეთი, საქართველოში კი აჭარის მთავრობა აანაზღაურებს. რიზეში იმყოფებოდა აჭარის ჯანდაცვის მინისტრი და საქართველოს გენერალური კონსული ტრაბზონში.ავტოსაგზაო შემთხვევა 10 აპრილს მოხდა, მიკროავტობუსი სახანძრო მანქანას შეეჯახა. შემთხვევის შედეგად 5 დაშავდა, ერთი კი გარდაიცვალა.