ხურჩაში მოკლული ოთხოზორიას დედა, ნინო მატკავა, 2016 წლის 19 მაისს ე.წ. საზღვართან მომხდარი მკვლელობის საქმეზე გამოძიების ხელახლა დაწყებას ითხოვს.დაახლოებით ერთ თვეში ერთი წელი შესრულდება გიგა ოთხოზორიას მკვლელობიდან. ალიას ცვეიბა, ბესიკ კუტოღლი, არკადი კვეკვესკირი, სერგეი კორტენკო – ეს ის მესაზღვრეები არიან, ვის წინააღმდეგაც სისხლის სამართლის საქმის აღძვრას გიგა ოთხოზორიას ოჯახი ითხოვს.ნინო მატკავა არ ეთანხმება ქართული მხარის მიერ დადგენილი მკვლელობის მოტივსაც. საქმის მასალების მიხედვით, გიგა ოთხოზორია სურსათის გადატანისთვის მოთხოვნილი თანხის გამო დაწყებული კამათისას მოკლეს.
ამ დროისთვის გიგა ოთხოზორიას მკვლელობის საქმეზე საერთაშორისო ძებნა მხოლოდ რაშიდ კანჯი ოღლიზეა გამოცხადებული. შინაგან საქმეთა სამინისტრო გიგა ოთხოზორიას ოჯახის მოთხოვნაზე, მოხდეს საქმის ხელახალი გამოძიება და მკვლელობის საქმეზე ძებნა გამოცხადდეს დანარჩენ 4 პირზე, კომენტარს არ აკეთებს.