,,აფხაზეთის საგარეო საქმეთა სამინისტრო ღრმა შეშფოთებას გამოთქვამს აშშ – ს მიერ 7 აპრილს სირიის რესპუბლიკის სამთავრობო ჯარებზე განხორციელებული სარაკეტო დარტყმების გამო.'' – ნათქვამია უწყების გამცხადებაში, რომელიც ცხელ კვალზე გამოქვეყნდა ოკუპირებული აფხაზეთის მედიაში – ეს სამხედრო აქცია წინააღმდეგობაში მოდის საერთაშორისო სამართლის ნორმებთან და თავისი საეჭვო საბაბით წარმოადგენს ღია აგრესიას სუვერენული სახელმწიფოს წინააღმდეგ.
შეერთებული შტატების ამგვარი ქმედებები სერიოზულ ზიანს აყენებს რუსეთის ფედერაციისა და სირიის რესპუბლიკის ლეგიტიმური ხელისუფლების ერთობლივ ძალისხმევას საერთაშორისო ტერორიზმის წინააღმდეგ ბრძოლაში და ხელს უშლის კოალიციის შექმნას ამ საერთო საფრთხესთან გამკლავებისთვის.
აფხაზეთის საგარეო საქმეთა სამინისტრო გადაჭრით გმობს ამერიკელი სამხედროების აგრესიულ ქმედებებს და მოუწოდებს საერთაშორისო საზოგადოებრიობას ადექვატური შერფასება მისცეს აშშ ქმედებებს სირიაში''.
ამრიგად, ოფიციალურმა სოხუმმა ფრიად მკაცრი განცხადება გააკეთა, ახლა ჯერი ტრამპზე და საერთაშორისო საზოგადოებრიობაზეა – რამდენად იღებენ ყურად მის გაფრთხილებას, ახლო მომავალი გვიჩვენებს.