ენგურის ხიდთან აფხაზეთში დაკავებულების ოჯახის წევრებმა საპროტესტო აქცია გამართეს

ორი დღის წინ, ზუგდიდის მუნიციპალიტეტის სოფელ რიყიდან საზღვრის გადაკვეთის ბრალდებით დაკავებული არჩიკო და პაატა როგავების ოჯახის წევრებმა, ახლობლებმა და მეზობლებმა ენგურის ხიდზე დღეს აქცია გამართეს. შეკრებილებთან ერთად იმყოფებოდნენ პარტია „ერთიანი ნაციონალური მოძრაობის“ ზუგდიდის ორგანიზაციის წევრები და მხარდამჭერები. დაკავებულების ოჯახის წევრების განცხადებით, მათ არ იციან კონკრეტულად, სად იმყოფებიან დაკავებულები – გალის თუ სოხუმის იზოლატორში, არ იციან მათი ჯანმრთელობის შესახებ, აქვთ თუ არა საჭმელ-სასმელი. მათივე განცხადებით, ამ დრომდე არ ყოფილა საუბარი გამოსასყიდზეც. დაკავებულის ახლობლები მოითხოვენ, რომ გადადგას მთავრობამ ქმედითი ნაბიჯი დაკავებულების დროულად გასათავისუფლებლად.რაც შეეხება „ნაციონალური მოძრაობის“ პოზიციას – როგორც პარტიაში განმარტეს, ოჯახი მათ თავად დაუკავშირდა და დახმარება სთხოვეს. პარტიის წევრების თქმით, ხელისუფლებამ ყველა ხერხი უნდა გამოიყენოს დაკავებულების გასათავისუფლებლად, მათ შორის საერთაშორისო ორგანიზაციები.აღნიშნულ თემაზე ჟურნალისტებთან კომენტარი შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დირექტორის მოადგილემ გააკეთა. დავით პაპავას განცხადებით, ცენტრალური ხელისუფლება აკეთებს ყველაფერს დაკავებულების გასათავისუფლებლად.ზუგდიდის მუნიციპალიტეტის სოფელ რიყის მკვიდრი მამა-შვილი 6 აპრილს, ე. წ საზღვრის უკანონოდ დარღვევის ბრალდებით დააკავეს.

ენგურის ხიდთან აფხაზეთში დაკავებულების ოჯახის წევრებმა საპროტესტო აქცია გამართეს

სიახლეები

1-2 ივლისს ევროკომისიის პრეზიდენტი აზერბაიჯანსა და სომხეთს ეწვევა

ნათია თურნავამ 2025 წელს 392 700 ლარის ხელფასი აიღო

ხოშტარიას სამოქალაქო კლინიკაში გადაყვანის მოთხოვნით პენიტენციურთან აქცია მიმდინარეობს

აქტივისტი, ვინც Facebook-ზე ივანიშვილი დაწყევლა, 3000 ლარით დააჯარიმეს