მეტეხის ხიდთან ნაპოვნ საეჭვო ჩანთაში ტანსაცმელი აღმოჩნდა, – ამის შესახებ შინაგან საქმეთა სამინისტროში აცხადებენ. როგორც აღმოჩნდა, ერთ-ერთ ტურისტს მიმდებარე ტერიტორიაზე დარჩა ჩანთა, რაც გამვლელებმა საეჭვოდ მიიჩნიეს და შსს-ს აცნობეს. თვითმხილველთა განცხადებით, ადგილზე მობილიზებულნი იყვნენ შსს-ს წარმომადგენლები, რომლებიც ტერიტორიაზე დაახლოებით ერთი საათის განმავლობაში მუშაობდნენ. ასევე გადაკეტილი იყო მეტეხის ხიდის მიმდებარე ტერიტორია.
ამჟამად შესაბამისი სამუშაოები დასრულებულია. მოძრაობა კი მეტეხის ხიდის მიმდებარე ტერიტორიაზე აღდგენილია.