მამა გიორგი მამალაძემ შიმშილობა დაიწყო. ინფორმაცია დეკანოზის ადვოკატმა მიხეილ რამიშვილმა დაადასტურა. როგორც რამიშვილი აცხადებს, მამაოს ერთადერთი მოთხოვნა პატრიარქთან და სინოდის წევრებთან შეხვედრაა. მამალაძეს სურს, რომ მათ დეტალურად მოახსენოს საქმეში არსებული გარემოებები. რამიშვილის განცხადებით, ის დღეს იმყოფებოდა მამა გიორგისთან და შიმშილობა მისი ჯანმრთელობის მდგომარეობისთვის საფრთხის შემცველია. შეგახსენებთ, რომ დღეს მამალაძის ადვოკატებმა პროკურატურას მიმართეს და მოითხოვეს, რომ საქმეში მხარეთა უფლებები თანაბრად იყოს დაცული და გაუთქმელობის პირობა მოიხსნას.