საერთაშორისო რესპუბლიკური ინსტიტუტის კვლევის თანახმად, შეკითხვაზე, რომელ ტელეარხს უყურებთ რეგულარულად, გამოკითხულთა 80% პასუხობს, რომ უყურებს ტელეკომპანია "იმედს". რესპონდენტთა 77% "რუსთავი 2"-ის მაყურებელია, 28% – საზოგადოებრივი მაუწყებლის და "მაესტროსი".
საერთაშორისო რესპუბლიკურმა ინსტიტუტმა (IRI) დღეს საკუთარ ვებგვერდზე, საქართველოში ჩატარებული საზოგადოებრივი კვლევის ოფიციალური შედეგები გამოაქვეყნა. კვლევა 22 თებერვლიდან 8 მარტის პერიოდში ჩაატარა. გამოიკითხა 1501 რესპონდენტი, ცდომილება შეადგენს პლუს მინუს 2,5%.